Fevralın 17-də Novxanı Sportinq Atıcılıq Mərkəzində kompakt-sportinq üzrə Azərbaycan Atıcılıq Federasiyasının kuboku uğrunda yarışın birinci mərhələsi keçiriləcək.

Azərbaycan Atıcılıq Federasiyasının vitse-prezidenti, sportinq üzrə yığma komandanın baş məşqçisi Rasim Rzayev BrendSPort.az -a bildirib ki, yarışda kompakt-sportinq üzrə yığma komandanın üzvləri ilə yanaşı, həvəskar atıcılar da mübarizə aparacaqlar. Beş mərhələdən ibarət yarışın final turniri ilin sonunda təşkil ediləcək.