AFFA Premyer Liqa oyunları ilə bağlı cəzaları açıqlayıb
![](/uploads/posts/2024-02/medium/1707394071_17073896923304337562_1200x630.jpg)
AFFA İntizam Komitəsinin növbəti iclası keçirilib.
BrendSport.az xəbər verir ki, yığıncaqda Azərbaycan Premyer Liqasının XXI turunda qeydə alınan qayda pozuntularına hüquqi qiymət verilib.
“Səbail”lə oyunda 4 futbolçusu sarı vərəqə alan “Qarabağ” 700 manat cərimə edilib. Matçın 66-cı dəqiqəsində ikinci sarıdan qırmızı vərəqə görən Ağdam təmsilçisinin kapitanı Maksim Medvedev 1 oyun cəzalanıb, klubunu isə 500 manat xərcə salıb.
“Sabah” – “Turan Tovuz” matçı bitdikdən sonra meydana kənar şəxslər daxil olduğuna görə Bakı klubu 800 manat cərimə olunub.
“Turan Tovuz” klubu isə azarkeşlərinin sındırdığı 6 ədəd oturacağa görə stadiona dəymiş zərəri qarşılayacaq.
Facebook-da paylaş
![](http://tedbirler.az/ted1-660.gif)