"Neftçi" klubunun 12 yaşadək futbolçulardan ibarət komandası Türkiyədə keçirilən "İzmir Cup" turnirində 1/16 final mərhələsinə vəsiqə qazanıb.

BrendSport.az xəbər verir ki, "Neftçi" komandası "Beşiktaş"ı (Türkiyə) 1:0, "Vesterloo"nu (Belçika) 1:0, "Urla Bələdiyyəsi"ni (Türkiyə) 3:0 məğlub edib, "Zenit"ə (Rusiya) 0:6 və "Mets"ə (Fransa) 0:1 uduzub.

Bununla belə, komandamız qrupda 4-cü yeri tutmaqla 1/16 finala vəsiqə əldə edib. Bu mərhələdə rəqib "Bruxe"dir (Belçika).

Qeyd edək ki, "Qarabağ"ın U-12 komandası da bu turnirdə iştirak etsə də, qrup mərhələsini adlaya bilməyib.