Beynəlxalq Pro Clubun təşkilatçılığı ilə keçirilən kiberidman üzrə “Euro Cup 2021” (Avropa Kuboku 2021) turnirində qrup mərhələsinə yekun vurulub.
BrendSport.az xəbər verir ki, Azərbaycan komandasının da iştirak etdiyi yarışda pley-offa vəsiqə qazanan ölkələrin adları məlumdur.
Ölkəmizi təmsil edən FİFA oyunçularımız son turlarda Gürcüstan komandası ilə keçirdiyi hər iki oyunu heç-heçə ilə başa çatdırıb. Yekun nəticədə aktivində bir qələbə, 3 heç-heçə, 2 məğlubiyyət olan təmsilçimiz 6 xalla adını ən yaxşı 16 komanda sırasına yazdırmağı bacarıb.
“Euro Cup-2021”də səkkizdəbir final mərhələsinin püşkatma mərasimi iyulun 15-i baş tutacaq.