Abşeron Olimpiya İdman Kompleksində yeniyetmələr, gənclər və böyüklər arasında muay-tay idman növü üzrə XII Azərbaycan çempionatı keçirilib.

BrendSport.az xəbər verir ki, Gənclər və İdman Nazirliyi və Azərbaycan Muay-tay Federasiyasının birgə təşkilatçılığı ilə keçirilən çempionatda 15 klubdan 200-ə yaxın idmançı iştirak edib.

Yarışın qalibləri nazirlik və federasiya tərəfindən diplom və medallarla təltif olunublar.

Qeyd edək ki, yarışın keçirilməsində əsas məqsəd qarşıdan gələn Avropa və dünya çempionatlarında çıxış edəcək yığma komandanın tərkibini müəyyənləşdirmək olub.