Avropa çempionatında iştirak edəcək İtaliya millisinin baş məşqçisi Luçano Spalletti futbolçulara bəzi qadağalar qoyub.

BrendSport.az xəbər verir ki, 65 yaşlı mütəxəssis turnir zamanı oyunçularına qulaqcıq taxmağı, masajda olarkən telefondan istifadə etməyi, video-oyunlar oynamağı və gec yatmağı qadağan edib.

O, futbolçuların turnirə daha yaxşı köklənə bilməsi üçün bu addımı atıb.

Qeyd edək ki, Almaniyanın ev sahibliyi etdiyi Avro-2024 bu gün start götürəcək. Son Avropa çempionu olan İtaliya seçməsi İspaniya, Xorvatiya və Albaniya ilə birlikdə B qrupunda mübarizə aparacaq.