AVRO-2024-ün seçmə mərhələsində bu gün VIII tura start veriləcək.

BrendSport.az xəbər verir ki, ilk oyun günündə səkkiz qarşılaşma keçiriləcək.

A qrupunda Gürcüstan millisi Kipri, Norveç yığması İspaniyanı qəbul edəcək.

D qrupunda Türkiyə seçməsi bu tur final mərhələsinə vəsiqəni təmin edə bilər. "Ay-ulduzlular" Konyada Latviyanı məğlub etsə, qrupdakı digər matçların nəticəsindən asılı olmayaraq, Avropa çempionatında iştirak hüququ qazanacaq. Bu qrupda, həmçinin Uels-Xorvatiya matçı baş tutacaq.

E qrupunda Çexiya Farer adalarını, Polşa Moldovanı sınağa çəkəcək.

İ qrupunda isə İsveçrə Belarusla, Rumıniya Andorra ilə qarşılaşacaq. Bu qrupun Kosovo-İsrail matçı hərbi vəziyyətlə əlaqədar təxirə salınıb.

AVRO-2024-ün seçmə mərhələsi

VIII tur

15 oktyabr

A qrupu

17:00. Gürcüstan - Kipr

22:45. Norveç - İspaniya

Xal durumu: Şotlandiya – 15 xal (6 oyun), İspaniya – 12 (5), Norveç – 10 (6), Gürcüstan – 4 (5), Kipr – 0 (6)

D qrupu

22:45. Türkiyə - Latviya

22:45. Uels - Xorvatiya

Xal durumu: Türkiyə - 13 (6), Xorvatiya – 10 (5), Ermənistan – 7 (6), Uels – 7 (5), Latviya – 3 (6)

E qrupu

20:00. Çexiya - Farer adaları

22:45. Polşa - Moldova

Xal durumu: Albaniya – 13 (6), Polşa - 9 (6), Çexiya – 8 (5), Moldova – 8 (5), Farer adaları – 1 (6)

İ qrupu

20:00. İsveçrə – Belarus

22:45. Rumıniya - Andorra

Xal durumu: İsveçrə - 14 (6), Rumıniya – 13 (7), İsrail – 11 (6), Kosovo – 7 (7), Belarus – 5 (7), Andorra – 2 (7)

Qeyd edək ki, daha əvvəl Fransa, Belçika və Portuqaliya yığmaları final mərhələsinə vəsiqə əldə ediblər.