İspaniyanın “Real Madrid” klubu martın 5-dən həyata keçirilən “Hamı Ukrayna ilə birlikdə” kampaniyasına qoşularaq münaqişə bölgəsindəki qaçqınlara kömək məqsədilə bir milyon avro yardım ayırıb.
BrendSport.az klubun saytına istinadla xəbər verir ki, kral klubu “Real Madrid” Fondunun başlatdığı kampaniya çərçivəsində ayırdığı vəsaiti Beynəlxalq Qırmızı Xaç Komitəsi və BMT-nin Qaçqınlar üzrə Ali Komissarlığına, həmçinin münaqişə bölgələrində fəaliyyət göstərən digər tərəfdaşlara bağışlayacaq.
Fond Ukraynanı tərk edən qaçqınlara kömək üçün 13 mindən çox isti idman geyimi bağışlayıb.
Qeyd edək ki, Ukrayna millisinin qapıçısı Andrey Lunin “Real Madrid”in formasını geyinir.