Beynəlxalq Paralimpiya Komitəsi (IPC) Rusiya və Belarus idmançılarının Pekində keçiriləcək Qış Paralimpiya Oyunlarında iştirakına icazə verib.
BrendSport.az xəbər verir ki, bu barədə qurumun mətbuat xidməti məlumat yayıb.
Rusiya və Belarus idmançıları Oyunlarda IPC bayrağı altında mübarizə aparacaqlar və Paralimpiya Oyunlarının medal sıralamasında yer almayacaqlar. Məlumatda, həmçinin bildirilir ki, IPC-nin növbədənkənar Baş Assambleyasında Rusiya və Belarus Paralimpiya komitələrinin üzvlüyü barədə qərar qəbul edəcək.
Qeyd edək ki, Pekində Qış Paralimpiya Oyunları martın 4-dən 13-dək keçiriləcək.