Avqustun 14-dən 16-dək Astanada taekvondo (WT) üzrə G-1 kateqoriyalı "Kazakhstan Open 2025" beynəlxalq reytinq turniri keçiriləcək. Yarışlar Jaksılık Uşkempirov adına təkbətək döyüşlər Sarayında keçiriləcək.

BrendSport.az xəbər verir ki, rəsmi "World Taekwondo" təqviminə daxil olan turnir üç - kadetlər, yeniyetmələr və böyüklər yaş kateqoriyalarını əhatə edəcək. 750-dən çox idmançı mötəbər tədbirdə iştirakını təsdiqləyib.

Yarışlarda Əfqanıstan, Ermənistan, Kanada, Fransa, Hindistan, İran, Qazaxıstan, Küveyt, Qırğızıstan, Oman, Lüksemburq, Mərakeş, Nepal, Pakistan, Fələstin, Çin, Səudiyyə Ərəbistanı, Türkiyə, Tunis, Birləşmiş Ərəb Əmirlikləri, ABŞ nümayəndə heyətləri ilə təmsil olunacaq, eləcə də fərdi bitərəf idmançılar (ATIN) iştirak edəcəklər.

Uzun illərdən sonra ilk dəfə Qazaxıstan yenidən dünya taekvondo mərkəzinə çevrilir.

Bundan əvvəl 2015-ci ildə (Almatı) və 2017-ci ildə (Atırau) ölkədə G-1 səviyyəli beynəlxalq turnirlər keçirilib. “Kazakhstan Open 2025”in keçirilməsi Qazaxıstanın beynəlxalq yarışlar xəritəsinə qayıtmasını simvolizə edir.

Turnir yenilənmiş KPNP K-2 elektron sisteminin tətbiq edilməsi ilə yeni beynəlxalq qaydalara uyğun keçiriləcək.

Qazaxıstanda ilk dəfə olaraq yarışlar çərçivəsində zərbələrin dəqiqliyini və obyektivliyini təmin etmək üçün birbaşa KPNP şirkəti tərəfindən təqdim edilən yeni elektron əlcəklərdən istifadə olunacaq. Həmçinin, beynəlxalq turnir çərçivəsində Qazaxıstanda ilk dəfə olaraq Dünya Taekvondo Federasiyasının nümayiş komandası çıxış edəcək.

Dünya Taekvondo Federasiyasının (World Taekwondo) prezidenti doktor Çunqvon Ço, Asiya Taekvondo İttifaqının prezidentinin iştirakı gözlənilir.