Qızıl Avropa Liqası: Azərbaycanın voleybol milliləri bu gün Estoniya ilə qarşılaşacaqlar
![](/uploads/posts/2024-05/medium/1717138123_49873d25-6d4e-3867-bd67-f77d236597aa_850.jpg)
Azərbaycan qadın və kişi voleybolçulardan ibarət milliləri bu gün Qızıl Avropa Liqasında III turun görüşünü keçirəcəklər.
BrendSport.az xəbər verir ki, qadınlardan ibarət milli evdə Estoniyanı qəbul edəcək.
Gənclər və İdman Nazirliyinin voleybol mərkəzində baş tutacaq matçın start fiti saat 18.00-da səsləndiriləcək.
Kişi voleybolçularımız isə Estoniya millisinin qonağı olacaq. Bu qarşılaşma Bakı vaxtı ilə saat 19.00-da başlayacaq.
Qeyd edək ki, bundan əvvəl Xorvatiyanı 3:0 hesabı ilə məğlub edən qadın voleybolçularımız Slovakiya (1:3), Rumıniya (0:3) və İsveçə (0:3) məğlub olub. Milli 3 xalla 12 komanda arasında 10-cu pillədə qərarlaşıb. Yığma iyunun 2-də Avstriya ilə qarşılşacaq.
Kişilərdən ibarət milli isə bundan əvvəlki qarşılşamalarda Rumıniya, Ukrayna, Belçika və Şimali Makedoniyaya 0:3 hesabı ilə məğlub olub. Xalı olmayan komanda sonuncu - 12-ci yerdədir. Kişi voleybolçular iyunun 1-də Lüksemburqla qarşılşacaq. Həm qadın, həm də kişi yığmalar arasında ən yaxşı 4 komanda "Dördlər finalı"na yüksələcək.
Facebook-da paylaş
![](http://tedbirler.az/ted1-660.gif)