"Həyatımda yeni səhifə başlayır".

BrendSport.az xəbər verir ki, bunu İsveçrə “Qrasshopper”indən Türkiyənin "Hatayspor" klubuna icarəyə verilən Azərbaycan millisinin futbolçusu Renat Dadaşov şəxsi instaqram hesabında yazıb.

24 yaşlı hücumçu 2022-ci ilin yayından çıxış etdiyi Sürix təmsilçisinə müraciət edib: "Kluba necə minnətdar olduğumu sözlə ifadə etmək asan deyil. “Qrasshopper”ə və azarkeşlərə qarşıdakı mövsüm üçün ən yaxşısını arzulayıram".

Dadaşov daha bir video paylaşaraq "Hatay, mən gəldim" söyləyib.

Qeyd edək ki, Renat Dadaşov ötən gün yeni klubunda tibbi müayinədən keçib.