"Təkmilləşməyə davam edirik".

BrendSport.az xəbər verir ki, bunu Səudiyyə Ərəbistanının “Əl-Nasr” klubunun portuqaliyalı hücumçusu Kriştianu Ronaldu Krallığın çempionatının V turunun “Əl-Həzm”lə oyununda (5:1) qazandığı qələbə haqqında sosial şəbəkə hesabında yazıb.

“Daha bir möhtəşəm komanda performansı! Biz təkmilləşməyə davam edirik. 850 karyera qolu və hələ bitməyib”, - Ronaldu X sosial şəbəkəsindəki hesabında yazıb.

Qeyd edək ki, bu görüşdə portuqaliyalı bir qol vurub və iki məhsuldar ötürmə edib. Bu, Ronaldunun karyerasında 850-ci qol olub.

Bundan əvvəl Ronaldunun milli liqalarda 517 qol vuraraq yeni dünya rekordu müəyyənləşdirdiyi bildirilirdi.