“Portu”nun qolkiperi İker Kasilyas Portuqaliya mətbuatına açıqlama verib. Komanda.az xəbər verir ki, 37 yaşlı qapıçı yenidən “Real”a qayıda biləcəyini deyib:

“İspaniya millisi və ya “Real”dan təklif gəlsə, əlbəttə, qəbul edərəm. Böyüdüyüm yeri unutmaram.

“Real”dan ayrılmağım düzgün qərar idi. Bəlkə də, qalsaydım, hər şey daha başqa cür olardı”.

1999-2015-ci illər aralığında “Real”ın şərəfini qoruyan Kasilyas, 2015-ci ildə “Portu”ya transfer edilib. Portuqaliya təmsilçisiylə mövsümün sonunadək müqaviləsi olan ispan qapıçı, cari mövsümdə 15 oyunda iştirak edib və 10 qol buraxıb.

Kasilyas 167 dəfə də İspaniya millisinin formasını geyinib.