"Barselona"nın futbolçusu Lyuka Din komandanı tərk edir. 25 yaşlı müdafiəçi bu barədə şəxsi "Instagram" hesabında paylaşım edib.

"Son iki il ərzində bir uşağın xəyalını yaşadım. Hamınıza təşəkkür edirəm. Çalışdığım bütün işçilərə və məşqçilərə təşəkkür edirəm. Bu şəhər həmişə mənimlə qalacaq" deyə fransalı futbolçu bildirib.

Qeyd edək ki, Lyuka Din 2016-cı ildən "Barselona"da çıxış edib. Onun İngiltərənin "Everton" klubuna keçəcəyi ehtimal olunur.