"Sivasspor”, "Akhisar Belediyespor” və elitaya bu mövsüm vəsiqə qazanan "Ərzurumspor” kimi iddiasız Superliqa təmsilçilərinin maraq dairəsində olan Əfran İsmayılov Azərbaycan klublarından da təklif alıb.

O, Türkiyə planı həyata keçməyəcəyi halda, hətta "Neftçi” və "Keşlə”də də peyda ola bilər. Hərçənd Əfranın "Ərzurumspor”a üz tutmaq ehtimalı daha çoxdu. 2018/19 mövsümündə Superliqada top qovacağı dəqiqləşən ərzurumlular sabiq "Qarabağ”lıya ildə 160 min dollar məvacib ödəməyə hazırdı və belə şərtlər İsmayılovu qane edir.