"İnter Mayami"nin argentinalı hücumçusu Lionel Messi MLS-in müntəzəm çempionatında "Neşvill"ə qarşı ev oyununda dubl edib.

BrendSport.az xəbər verir ki, Messi MLS-də ardıcıl 5-ci matçında iki qol vurub.

O, bu göstərici üzrə turnirin rekordunu müəyyən edib.

Ümumilikdə isə Messi turnirdə ardıcıl 6-cı oyunda fərqlənib.

MLS tarixində buna yalnız 2018-ci ildə "Atlanta"da çıxış edən venesuelalı hücumçu Xosef Martines nail olub.

Messinin cari MLS mövsümündə 16 oyunda 16 qolu var. O, bombardirlər siyahısında "Neşvill"in ingilis hücumçusu Sem Sörric ilə birinci yeri bölüşür.