"Mançester Yunayted"in yayda edəcəyi ilk transfer açıqlanıb. Bu barədə "Le10Sport" məlumat yayıb.

Bildirilir ki, İngiltərə klubu "Monako"dan Qabriel Sidibeni heyətinə qatır. Joze Mourinyonun istədiyi 25 yaşlı müdafiəçi və klubu ilə artıq anlaşma əldə olunub.

Qeyd edək ki, "Monako" Sidibeni 2016-cı ildə "Lill"dən 15 milyon avroya alıb. Hazırda "Transfermarkt" Fransa yığmasının Mali əsilli üzvünə 23 milyon avro qiymət qoyub. O, bu mövsüm meydana çıxdığı 31 rəsmi oyunda 3 qol vurub və 8 məhsuldar ötürmə edib.