“Formula 1”: Ferstappen ABŞ Qran-prisində sprintdə qalib gəlib
![](/uploads/posts/2023-10/medium/1697945555_3521a44c-7742-3e00-b651-2157796661e8_850.jpg)
“Red Bull” komandasının niderlandlı pilotu Maks Ferstappen “Formula 1” dünya çempionatının 18-ci mərhələsində – ABŞ Qran Prisində sprint yarışının qalibi olub.
BrendSport.az xəbər verir ki , yarış Ostində (Texas) Amerikanın dövrəsində keçirilir.
İkinci yeri “Mercedes”dən britaniyalı Lyuis Hemilton, üçüncü yeri isə “Ferrari”ni təmsil edən monakolu Şarl Lekler tutub.
Son mərhələnin nəticələrinə əsasən, Ferstappen ümumi hesabda vaxtından əvvəl qələbəsini təmin edərək, üçqat dünya çempionu olub. İndi onun 441 xalı var, onun komanda yoldaşı meksikalı Serxio Peres (228) ikinci, Hemilton isə üçüncü yerdədir (201).
Ostin mərhələsi sprint yarışını əhatə edən mövsümün beşinci mərhələsi idi. 2023-cü ildə altı belə Qran-pri olacaq.
Facebook-da paylaş
![](http://tedbirler.az/ted1-660.gif)