Azərbaycan milli komandası Serbiyanın paytaxtı Belqradda keçirilən MMA üzrə dünya çempionatında iştirak edir.

BrendSport.az xəbər verir ki, Azərbaycan MMA Federasiyasının (AZMMAF) prezidenti Rövşən Həsənov və milli komandanın üzvləri Belqraddakı Taşmaydan parkında Ümummilli Lider Heydər Əliyevin abidəsini ziyarət ediblər. Çempionatda Azərbaycanı gənc və peşəkar olmaqla, ümumilikdə 6 idmançı təmsil edir.
Belqraddakı “Stark Arena”da keçirilən çempionat fevralın 17-dək davam edəcək.

Çempionat qadın idmançılar arasında 6, kişi idmançılar üzrə isə 10 çəki dərəcəsində keçirilir. Dünya çempionatında 62 ölkədən 520-dən çox idmançı mübarizə aparır.