Fevralın 12-də Şəki Olimpiya İdman Kompleksində "Olimpik Şəki BK" və "Sərhədçi PİK" basketbolçuları arasında 17-ci turun növbəti oyunu keçirilib.

BrendSport.az xəbər verir ki, görüşə üstün başlayan "Sərhədçi PİK" 106-83 hesablı qələbə qazanaraq, turnir cədvəlinin ikinci pilləsindəki mövqeyini qoruyub saxlayır. Ən məhsuldar basketbolçular "Olimpik Şəki BK"-dan Larri Robinson (27 xal, 6 asist), "Sərhədçi PİK"-dən Endar Poladxanlıdır (41 xal, 13 ribaund).

Qeyd edək ki, 17-ci turun son oyunu ("Sabah BK" - "Neftçi İK") fevralın 13-də keçiriləcək.