BMT Məskunlaşma Proqramının rəhbəri: Bakı - sülh mərkəzlərindən biridirMaimunah Mohd Şərif
"Bakı - sülh mərkəzlərindən biridir".

BrendSport.az saytı xəbər verir ki, bunu Bakıda səfərdə olan BMT Məskunlaşma Proqramının icraçı direktoru Maimunah Mohd Şərif Beynəlxalq Etnosport Forumundakı çıxışında deyib.

O, Azərbaycan paytaxtında toplaşdıqları üçün şad olduğunu bildirib: "Bu dəvətə görə Azərbaycan Prezidenti İlham Əliyevə, gənclər və idman naziri Fərid Qayıbova və Dünya Etnosport Konfederasiyasının prezidenti Bilal Ərdoğana minnətdarlığımı bildirirəm".

Mohd Şərif etnosportun əsrlər boyu inkişaf edən mədəni təcrübə olduğunu söyləyib: "Gənclərin etno idman növlərinə cəlb olunmasına xüsusi önəm veririk. Bu idman növlərini inkişaf etdirmək üçün əlimizdən gələni edəcəyik. Etnosportda gənclərin çox olması əsas məqsədlərimizdən biridir".

O, son olaraq BMT-nin Azərbaycanda həyata keçirdiyi layihələri dəstəklədiyini söyləyib: "İlk dəfədir Azərbaycana gəlirəm. Bunun üçün məmnunam".