"Real” - Kərim Benzema münasibətləri haqda yeni informasiya yayılıb. "Marka” qəzeti xəbər verir ki, "Milan” və "Napoli” kimi İtaliya klublarının transfer hədəfinə çevrilən forvard Madrid təmsilçisində qalacaq.

Ronaldonun "Yuventus”a keçidindən sonra "Real” rəhbərliyinin Benzemaya olan münasibəti dəyişib. Əlcəzair əsilli fransalının komandada qalmasını klub başqanı ilə yanaşı azarkeşlər də istəyir. 2 gün öncə futbolçuyla klub rəsmiləri arasında görüş keçirilib və tərəflər əməkdaşlığa davam etməklə bağlı razılığa gəlib.

2009-cu ildə "Lion”dan alınan Kərim "Real”ın formasıyla 415 oyuna çıxıb. O, bu oyunlarda 195 qol vurmağa imkan tapıb.