Bu gün kişi voleybolçulardan ibarət "Xarı Bülbül" komandası Çelenc Kubokunda növbəti oyununu keçirəcək.

BrendSport.az xəbər verir ki , Şuşa təmsilçisi 1/32 finalın cavab oyununda Slovakiyanın "TJ Spartak" klubu ilə üz-üzə gələcək.

Bakıdakı Voleybol Mərkəzində reallaşacaq qarşılaşma saat 18:00-da start götürəcək. "Xarı Bülbül" ötən gün eyni arenada baş tutan ilk matçda inamlı qələbə qazanıb - 3:0.