Hər zaman gənc oyunçulara üstünlük vermişik. Rüstəm Əhmədzadəni heyətə cəlb etmək imkanımız oldu və bunu dəyərləndirdik.

BrendSport.az xəbər verir ki, bunu Ağdamın "Qarabağ" klubunun baş məşqçisi Qurban Qurbanov dekabrın 13-də jurnalistlərə açıqlamasında deyib.
Futbolçunun çıxış etdiyi “Minay” klubu ilə razılığın əldə olunduğunu vurğulayan baş məşqçi bildirib: “R.Əhmədzadə ilə danışıqlar davam edir. Özündən çox şey asılı olacaq. Qış transfer pəncərəsində komandaya digər yeni oyunçular da qoşulacaqlar. Amma bununla kifayətlənmirik. Axtarışlarımız davam edir. Yaydan bəri danışıqlar apardığımız oyunçular da var. Alınsa, onları da komandaya cəlb edəcəyik”.