Argentina millisinin və Fransanın PSJ klubunun futbolçusu Lionel Messi İspaniya "Barselona"sına qayıtmayacaq.

BrendSport.az xəbər verir ki, bu barədə 36 yaşlı hücumçunun qardaşı Matias Messi özünün "Twitch" kanalında açıqlama verib.

O bildirib ki, qardaşı hazırda bu fikirdə deyil: "Amma geri dönsək, yaxşı təmizlik işləri görəcəyik. Digərləri ilə yanaşı, biz Joan Laportanı da qovacağıq".

Qeyd edək ki, Lionel Messi 2003 - 2021-ci illərdə "Barselona"nın formasını geyinib.