Ümummilli Lider Heydər Əliyevin anadan olmasının 103-cü ildönümü ərəfəsində 13 saat fasiləsiz üzərək, əvvəlki rekordunu yeniləmiş Cəmil Əliyev Azərbaycan Üzgüçülük Federasiyasının (ASF) ofisinin qonağı olub.

BrendSport.az xəbər verir ki, vətəndaşa baş katib Oqtay Atayev tərəfindən müvafiq sertifikat və Federasiya adından hədiyyələr təqdim olunub.

Xatırladaq ki, Quba sakini olan Cəmil Əliyev bundan öncə mart ayında fasiləsiz 10 saat üzərək, Azərbaycan rekorduna imza atmışdı.

Hər iki rekord Azərbaycan Respublikasının Gənclər və İdman Nazirliyi ilə Azərbaycan Üzgüçülük Federasiyası tərəfindən rəsmi şəkildə qeydə alınmışdır.

Cari ilin sonunadək Cəmil Əliyev yeni rekordları müəyyənləşdirməyi hədəfləyir.