ABŞ-ın lüks sinfinə aid turizm agentlikləri Paris Olimpiadasına tələbatın hələ ki, zəif olduğunu qeyd edirlər, çünki daha imkanlı səyahətçilər bunun əvəzində Avropada yaxın istiqamətləri seçirlər.

BrendSport.az xəbər verir ki, Olimpiya Oyunlarının sahibləri adətən ziyarətçilərin artmasını müşahidə edirlər, lakin turagentlər deyirlər ki, Parisdə iyulun 26-dan avqustun 11-nə qədər keçiriləcək Olimpiya Oyunlarına bronlama ilə bağlı ərizələr varlı səyahətçilərdən daha az daxil olur.

Avropada qiymətli əşyaların pərakəndə satıcıları artıq bildiriblər ki, Oyunlar zamanı Parisdən kənarda qalmaq istəyən imkanlı turistlərin hesabına Fransanın hüdudları xaricində biznesin artmasına ümid edirlər.

“Virtuoso” şirkəti tərəfindən Parisə yay turlarının bronlanması ötən illə müqayisədə 172 faiz artıb, lakin ümumilikdə Fransada bu göstərici ötən ilin eyni dövrü ilə müqayisədə 22 faiz azalıb. Bunun əvəzinə lüks sinifli turizm şirkətlərinin müştəriləri qonşu İspaniya və Böyük Britaniyaya üz tuturlar.

“Accor” aparıcı dünya mehmanxana qrupunun baş direktoru Sebastyan Bazen iyunun əvvəlində Nyu-Yorkda keçirilən sahə konfransında bildirib ki, Olimpiya Oyunları üçün otellərin bronlanması “qeyri-adi” hal deyil.