29 mart 2018-col tarixində Qubadlı gənclərindən ibarət bir qrup nümayəndə heyəti Quba rayonuna səfər ediblər.

Quba rayon Gənclər və İdman İdarəsindən BrendSport.az saytına verilən məlumata görə, ilk öncə qubadlılar Quba şəhərində ümummilli lider Heydər Əliyevin abidəsi önünə gül dəstələri qoymuşlar.

Daha sonra Qubadlı gəncləri səfər çərçivəsində Qubada Heydər Əliyev Mərkəzində və Gənclər Mərkəzində olaraq, Ümummilli liderin fəaliyyət və həyat yolu barədə geniş məlumat əldə etmişlər.

Qonaqlara Gənclər Mərkəzi və iş fəaliyyəti ilə bağlı məlumat verilmişdir. Gənclər Mərkəzində Qubadlı gəncləri asudə vaxtın səmərəli keçirilməsi istiqamətində mumkün şəraitlə yaxından tanış olmuşlar. Daha sonra qonaqlar Quba Soyqırım Memoreal Kompleksini ziyarət etmişlər.

Əliqasım Məmmədov