İngiltərə Premyer Liqasının birinci turunda Londonun iki komandası – “Brentford” və “Tottenhem” arasında keçirilən matç heç-heçə başa çatıb.

BrendSport.az xəbər verir ki, qarşılaşma Brentford Kommüniti stadionunda baş tutub.

Gərgin keçən oyunda hesabı qonaqlar açıb. 11-ci dəqiqədə Kristian Romero Ceyms Meddisonun ötürməsindən sonra topu qapıya göndərib. Bununla belə, “mahmızlar”ın üstünlüyü çox çəkməyib. 26-cı dəqiqədə “Brentford”un hücumçusu Brian Mbömo penalti zərbəsini dəqiq yerinə yetirərək "status-kvo"nu bərpa edib. 10 dəqiqə sonra fransalı Yoan Vissa ev sahibi komandanı hesabda irəli çıxarıb. Oyunda yekun hesab elə birinci hissədə müəyyənləşib: əlavə edilmiş dəqiqələrdə Emerson Royal fərqlənib – 2:2.

Xatırladaq ki, ötən mövsüm “Brentford” Premyer Liqanı 9-cu, “Tottenhem” isə 8-ci pillədə bitirib.