11 dekabr tarixində Stolüstü Tennis Federasiyasının, BrendSport.az saytının təşkilatçılığı və "Azertrans" MMC-nin dəstəyi ilə Şanlı Zəfərimizin 5 illiyinə həsr olunmuş “İlhamlı Qələbələr adlı Böyük Qayıdış” festivalı çərçivəsində xüsusi stolüstü tennis turniri keçiriləcək.

Turnir, həmçinin 150 illiyi tamam olmuş Azərbaycan milli mətbuatının il üzrə son tədbiri olmaqla yanaşı, Azərbaycanın ictimai-siyasi xadimi, jurnalist və millət vəkili olmuş mərhum Qənirə Paşayevanın 50 illik xatirəsinə ithaf olunur.


Yarışda qazilər, KİV nümayəndələri (jurnalistlər, fotoqraflar, TV əməkdaşları və s.), incəsənət nümayəndələri (aktyorlar, aktrisalar, müğənnilər, modellər və s.), eləcə də Avropa, dünya və olimpiya çempionları, müxtəlif sahələrdən tanınmış ictimai şəxslər iştirak edəcəklər. Buna görə turnirin geniş auditoriyalı və yüksək səviyyəli olması gözlənilir.


Qruplar üzrə bölgü:

I qrup: Qazi bəylər (öz aralarında)

II qrup: Jurnalist bəylər və yuxarıda adı qeyd olunan müxtəlif peşə sahibləri

III qrup: Jurnalist xanımlar və yuxarıda adı qeyd olunan digər sahələrdən peşə sahibləri


Hər qrup üzrə ilk 4 yerin qalibləri pul mükafatları və sponsor hədiyyələri ilə təltif olunacaqlar.

1-ci yer
2-ci yer
3-cü yer 2 nəfər

Tədbir 11 dekabr, saat 13:00-da, “Şua” idman kompleksində start götürəcək. ( Azərbaycan Stolüstü Tennis Federasiyasının bazası )

İştirakçılar üçün idman geyimi və idman ayaqqabısı gətirmək məcburidir. Digər bütün oyun ləvazimatları təşkilatçı tərəfdən təmin olunacaq.

Qeydiyyat üçün iştirakçılardan iş vəsiqəsi və şəxsiyyət vəsiqəsi, qazilərdən isə müvafiq sənədlər tələb olunur.

Qeydiyyat: 070-286-86-29 (WhatsApp)
Son qeydiyyat tarixi: 9 dekabr, saat 14:00

Sonda bir daha qeyd edək ki, turnir 11 dekabr saat 13:00-da başlayacaq.