İtaliya 2032-ci ildə keçiriləcək futbol üzrə Avropa çempionatına ev sahibliyi etmək üçün namizədliyini irəli sürmək niyyətindədir.
BrendSport.az ANSA agentliyinə istinadla xəbər verir ki, İtaliya Futbol Federasiyasının rəhbərliyi UEFA-ya turnirin təşkilində maraqlı olduqları barədə məlumat verib.
Agentliyin məlumatına görə, namizədlik layihəsi 2023-cü il aprelin 12-dək təqdim edilməlidir. Çempionatın yeri ilə bağlı qərarın 2023-cü ilin sentyabrında veriləcəyi gözlənilir.
Bundan əvvəl İtaliya 1968-ci və 1980-ci illərdə Avropa çempionatına ev sahibliyi edib.