"Monako"nun baş məşqçisi Tyerri Anri əsas komanda ilə işdən kənarlaşdırılıb. Bu addım yekun qərar qəbul edilənədək qüvvədə olacaq. Komandanı yanvarın 25-də məşqə Frank Passi çıxaracaq.

Anri bir neçə futbolçunu əsas komandadan uzaqlaşdırdığını açıqlayıb. Onun sözlərinə görə, qovulanların sayı o qədər çoxdu ki, adbaad saymaq olmur.

Fransalı mütəxəssis yalnız öz gələcəyini düşünənlərə qarşı belə addım atdığını vurğulayıb. Əvəzedici heyətə göndərilənlər arasında rusiyalı yarımmüdafiəçi Aleksandr Qolovinin olmadığı da müəyyənləşib.

Fransa çempionatında 21 turdan sonra "Monako" 15 xalla 19-cu yerdədi və eniş zonasında qərarlaşıb.