“Roma” əsas qapıçısı Alissonla vidalaşmaq üzrədir. İtaliya mətbuatının yaydığı xəbərə görə, braziliyalı qolkiper karyerasını “Liverpul”da davam etdirməyə çox yaxındır.

İngiltərə təmsilçisi Alisson üçün 70 milyon avro təklif edib. “Roma” isə bu satışdan 75 milyon avro qazanmağı planlaşdırır. Aradakı fərq böyük olmadığından 2 klub arasında tezliklə razılıq əldə olunacağı gözlənilir.

Qeyd edək ki, Alisson DÇ-2018-də Braziliya millisinin əsas qapıçısı olub.