İspaniya nəhəngi “Barselona” İngiltərənin “Arsenal” komandasının braziliyalı futbolçusu Qabriel Jezusun transferini açıqlayıb.

BrendSport.az xəbər verir ki, 29 yaşlı hücumçu ilə 2029-cu ilin yayına qədər müqavilə imzalanıb. “Arsenal” bu transferdən 10 milyon avro qazanacaq. Londonlular, həmçinin futbolçunun yeni komandasında göstərəcəyi nəticələrdən asılı olaraq əlavə bonuslar əldə edə bilər.

Qeyd edək ki, Qabriel Jezus 2022-ci ilin yayından Premyer Liqa təmsilçisində çıxış edirdi. O, klubun heyətində bütün turnirlərdə 123 oyunda 32 qol və 22 məhsuldar ötürmə ilə yadda qalıb.