Türkiyədə baş verən zəlzələdən 87 saat sonra dağıntılar altından çıxarılan Kadir azarkeşi olduğu "Qalatasaray"ın argentinalı ulduz futbolçusu Mauro İkardinin qol vurduqdan sonra etdiyi hərəkəti təkrarlayaraq ondan formasını istəyib.

BrendSport.az xəbər verir ki, İkardi sosial şəbəkə hesabından gəncin fotosunu paylaşaraq bu istəyinə cavab verib.

"Kadir, inşallah tezliklə görüşərik. O zaman sənə formamı verib və səni möhkəm qucaqlaya bilərəm", - deyə İkardi qeyd edib.

Xatırladaq ki, fevralın 6-da Türkiyənin cənub-şərqində 7,7 və 7,6 maqnitudada iki zəlzələ baş verib. Son məlumatlara görə, nəticədə 18 342 nəfər həlak olub, 74 242 nəfər isə yaralanıb.