“Qarabağ”ın qapıçısı Andrey Lunyov UEFA Avropa Liqasının qrup mərhələsində qurtarışların sayına görə ilk “üçlüy”ə düşməsinə münasibət bildirib.

BrendSport.az xəbər verir ki, rusiyalı qolkiper “Match TV” telekanalına açıqlamasında bu cür reytinqlərdə yuxarı pillələrdə yer almağın xoş olduğunu söyləyib.

“Əla hissdir, amma mənim üçün çox şey ifadə etmir. Birinci yerdə, ön planda, əlbəttə ki, komandanın nəticəsidir. Mən, sadəcə, öz işimi görməyə çalışıram. Ona görə də burada mənim üçün heç bir super nailiyyət yoxdur”.

Qeyd edək ki, Andrey Lunyov bu ilin avqustunda “Qarabağ”la 1+1 illik müqavilə imzalayıb.