Ağsu rayonunda Azərbaycan Respublikasının Milli Qəhrəmanı Ramazanov Şamil Ağasəf oğlunun xatirəsinə həsr olunmuş uşaqlar və yeniyitmələr arasında taekvondo idman növü üzrə rayon açıq birinciliyi keçirilib.

BrendSport.az saytı xəbər verir ki, turnirdə Şamaxı olimpiya mərkəzinin taekvondoçuları da iştirak edib. Onlardan İntizam Hüseynov I yer, Fərid Dostumalıyev II yer, Osman Məcidov II yerə layiq görülmüşlər.

Qeyd edək ki, yarış Azərbaycan Respublikası Gənclər və İdman Nazirliyi, Ağsu rayon İcra Hakimiyyəti və Ağsu rayon Gənclər və İdman İdarəsi tərəfindən təşkil olunub.

Yarışda 10 komandadan 130 idmançı iştirak edib.

Əliqasım Məmmədov,
ADPU-nun I kurs tələbəsi