Ağsu rayonunda Azərbaycan Respublikasının Milli Qəhrəmanları Şamil Ramazanov və Yusif Əliyevin xatirəsinə həsr olunmuş taekvondo idman növü Ağsu rayon açıq birinciliyi kecirilmişdir.

Tədbir Azərbaycan Gənclər və İdman Nazirliyinin, Ağsu rayon İcra Hakimiyyətinin, Ağsu rayon Gənclər və İdman İdarəsi və Ağsu rayon Pirhəsənli kənd orta məktəbinin təşkilatçılığı ilə baş tutub.

BrendSport.az saytı xəbər verir ki, yarışda Şamaxı, Qəbələ, Göycay, Saatlı, Ağsu, Yevlax, Kürdəmir, Şirvan, "Fərəh" və 2 saylı UGİM-dən 130 idmançı iştirak edib.

Qeyd edək ki, tədbirdə Ağsu rayon İcra Hakimiyyətinin başçısı Ənvər Seyidəliyev, rayonun digər rəhbərliyi, ictimaiyyət nümayəndələri və şəhid ailələri iştirak ediblər.

Turnirin sonunda qaliblərə fəxri fərmanlar və diplomlar təqdim olunacaq.

Alxas Məmmədov