"Mançester Yunayted"də baş məşqçi Joze Mourinyonun klubdakı gələcəyi ilə bağlı iclas keçirilib.

"BBC Sport"un yaydığı xəbərə görə, Premyer Liqada ilk 3 matçda 2 məğlubiyyətdən sonra portuqaliyalı mütəxəsisslə yolların ayrılıb-ayrılmamağı müzakirə edilib. Klubun vitse-prezidenti Ed Vudvardın Mourinyoya bir az vaxt verilməsi təklifi "MY"nın idarə heyətinin üzvləri tərəfindən qəbul edilib.

"MY"nın J.Mourinyo ilə əməkdaşlığa davam etmək, ancaq pis nəticələr davam edəcəyi təqdirdə, yenidən iclas keçirmək qərarına gəlib.

Qeyd edək ki, "qırmızı şeytanlar"ın Mourinyonu istefaya göndərəcəyi, yeni baş məşqçi vəzifəsinə Zinəddin Zidanı gətirəcəyi iddia olunurdu.