UEFA prezidenti Aleksandr Çeferin yay transfer pəncərəsinin qısaldılması ilə bağlı aparılan müzakirələrə münasibət bildirib.

Komanda.az xəbər verir ki, İngiltərə Premyer Liqasının klubları transfer pəncərəsinin qısaldılması ideyasını irəli sürüb. 20 klubdan 14-ü bu ideyanı dəstəkləyir. Çeferin məsələni gündəmdə saxladıqlarını bildirib:

“Bilirəm ki, bununla bağlı ciddi müzakirələr gedir. Mən də hesab edirəm ki, futbolçunun mövsümə bir komandada başlayıb, transfer pəncərəsi bağlanana qədər başqa komandaya keçməsi yaxşı hal deyil.

Bu məsələni gündəmdə saxlayacağıq. Pəncərə bu qədər açıq olmamalıdı. Mən də bu ideyanı dəstəkləyirəm”.