Salyan Rayon Gənclər və İdman İdarəsinin təşkilatçılığı ilə “CS portable online” kompüter oyunu üzrə rayon turniri keçirilib.

BrendSport.az saytı Gənclər və İdman Nazirliyinin saytına istinadla xəbər verir ki, fərdi təşkil olunan yarışda Hatəm Bayramzadə birinci olub. Anar Babayev yarışı ikinci, Natiq Babayev isə üçüncü pillədə başa vurublar.
Sonra turnirin qalibləri ilə görüş olub. Görüş zamanı Salyan Rayon Gənclər və İdman İdarəsinin rəisi Araz Hüseynov qalibləri təbrik edib, onlara gələcək fəaliyyətlərində uğurlar arzulayıb.
Sonda qaliblərə diplomlar təqdim olunub.