Futzal üzrə FIFA referisi Əli Cəbrayılov UEFA-dan yeni təyinat alıb.
BrendSport.az AFFA-nın rəsmi saytına istinadla bildirir ki, azərbaycanlı hakim dünya çempionatının ilkin seçmə mərhələsinin A qrupunda keçiriləcək oyunları idarə edəcək.
Almaniya, San-Marino, Monteneqro və Cəbəllütariq milli komandalarının mübarizə aparacağı bu qrupun oyunları aprelin 5-dən 10-dək Almaniyada təşkil ediləcək.