Fevralın 8-də Respublika Olimpiya Mərkəzində 2007-2008-ci il təvəllüdlü idmançılar arasında atletika üzrə Azərbaycan çempionatına start verilib.
Azərbaycan Atletika Federasiyasından (AAF) BrendSport.az-a bildiriblər ki, yeniyetmələr arasında keçirilən çempionatda atletlər 60, 200, 400, 800, 1500 və 3000 metr məsafələrə qaçış, 4x200 metr məsafədə estafet qaçışı, uzunluğa, hündürlüyə və üçtəkanla tullanma, eləcə də nüvəitələmə yarışlarında qüvvələrini sınayacaqlar.
İki gün davam edəcək yarışlarda Bakı ilə yanaşı, Gəncə, Bərdə və Sumqayıtdan olan atletlər də iştirak edirlər.