La Liqanın 23-cü turu çərçivəsində “Atletiko” ilə matç “Barselona”nın futbolçusu Dani Alveş üçün əlamətdar olub.
BrendSport.az xəbər verir ki, 39 yaşlı müdafiəçinin “Atletiko”ya qalib gəldikləri (4:2) matç karyerasında 1000-ci oyunu olub.
Alveş ən çox oyunu “Barselona”da keçirib – 394. O, “Sevilya”da 249, Braziliya millisində 119, “San Paulo”da 95, PSJ-də 73, “Bahya”da 37, “Yuventus”da isə 33 oyuna çıxıb.
Qeyd edək ki, Alveş "Atletiko" ilə oyunda 1 qol və 1 məhsuldar ötürmə ilə yadda qalıb. Daha sonra isə kobud oyuna görə meydandan qovulub.