UEFA Konfrans Liqasının II təsnifat mərhələsində Bakıda “Sabah” və “Levski” (Bolqarıstan) komandaları arasında keçiriləcək cavab oyununu idarə edəcək hakimlər açıqlanıb.

BrendSport.az xəbər verir ki, qarşılaşmanı Ukraynadan olan hakimlər briqadası idarə edəcək. Görüşün baş hakimi Nikolay Balakin olacaq. Ona Aleksandr Berkut və Viktor Matyaş kömək edəcəklər. Dördüncü hakim funksiyasını Vitali Romanov yerinə yetirəcək. VAR-da Oleksii Derevinski, onun köməkçisi isə Klim Zabroda olacaq.