Azərbaycanın 18 yaşadək çimərlik voleybolçuları Latviyada təşkil edilən Şərqi Avropa Zonal Assosiasiyası (EEVZA) çempionatında iştirak edəcəklər.

BrendSport.az xəbər verir ki, yarışa bu gün start veriləcək.

Riqada baş tutacaq beynəlxalq turnirdə Azərbaycanı Oqtay Qasımov - Camal Cəlilov və Məhəmməd Aslanlı - Nəriman Bayramlıdan ibarət iki komanda təmsil edəcək.

Komandaların baş məşqçisi Cəlil Baxtiozin, meneceri isə Valeriya Romanoviçdir.

Qeyd edək ki, turnir avqustun 9-da başa çatacaq.