"Qarabağ" hücum xəttini yeni futbolçu ilə gücləndirə bilər.

BrendSport.az xəbər verir ki, Ağdam təmsilçisi "Trabzonspor"un futbolçusu Fode Koyta ilə danışıqlar aparır. Otuz iki yaşlı hücumçu "Qarabağ"la razılıq əldə etməyə yaxındır.

"Trabzonspor" Fode Koytanı mövsümün əvvəlində "Kasımpaşa"ya icarəyə verib. Təcrübəli oyunçu İstanbul təmsilçisinin heyətində meydana çıxdığı 6 matçda 1 qol və 1 məhsuldar ötürmə ilə yadda qalıb. Onun "Trabzonspor"la müqaviləsi 2024-cü ilin yayında başa çatır.