«Millinin qapıları yerli məşqçilərin üzünə bağlıdır».

BrendSport.az xəbər verir ki, futbol eksperti Emin Abbasov belə bir iddia ilə çıxış edib.

O, ATV kanalında yayımlanan «Futbolumuz» verlişində ölkənin əsas yığması ətrafında dolaşan söz-söhbətlərə münasibət bildirib.

Tanınmış teleşərhçi deyib ki, AFFA-nın baş katibi Sərxan Hacıyev komandanın azərbaycanlı mütəxəssislərdən birinə tapşırılmasına tərəfdardır.

Abbasov bu siyahıda Qurban Qurbanov, Rəşad Sadıqov və Samir Abasov kimi namizədlərin olmasını diqqətə çatdırıb.

Bununla belə, vurğulayıb ki, AFFA rəhbərliyində yer alan bəzi şəxslər qətiyyətlə bu planın icrasının əleyhinədir.