“Qəbələ”nin sabiq baş məşqçisi Toni Adams “Arsenal”ın çalışdırıcısı Arsen Vengeri növbəti dəfə tənqid edib.

Komanda.az xəbər verir ki, Adams “Arsenal”da çıxış edərkən Vengerin ona heç nə öyrətmədiyini iddia edib. Ancaq o, fransız mütəxəssisin əla psixoloq olduğunu bildirib:

“Oyuna hazırlıq, bərpa barədə danışsaq, o, hamıdan yaxşı idi. Psixoloq kimi də futbolçulara yanaşması fantastik idi.

O, mənə nəyi öyrətdi? Heç nəyi. Venger mənə müdafiə olunmağı öyrədib? Yox. O, təkcə mənə yox, Uinterberna da, Diksona da, Boulda da heç nə öyrətməyib”.

Toni Adams bütün karyerasını “Arsenal”da keçirib. O, bu klubda 339 oyuna çıxıb.